aagaaz to hotaa hai anjaam nahiin hotaa - Meena Kumari 'Naaz'

aagaaz to hotaa hai anjaam nahiin hotaa

jab merii kahaanii men vo naam nahiin hotaa

jab zulf kii kaalikh men ghul jaaye koii rahii

badnaam sahii lekin gumnaam nahiin hotaa

hans hans ke javaan dil ke ham kyon na chunen tukade

har shakhs kii qismat men inaam nahiin hotaa

bahate hue aansuu ne aankhon se kahaa tham kar

jo mai se pighal jaaye vo jaam nahiin hotaa

din duube hain yaa duubii baaraat liye kashtii

saahil pe magar koii koharaam nahiin hotaa